Navenda Ragihandin û Çapemeniyê ya HPG’ê têkildarî tevgera leşkerî ya artêşa Tirk daxuyaniyeke nivîskî weşand.

HPG’ê ev agahî bi raya giştî re parve kir.

 “27’ê Hezîranê saet 21.00’ê artêşa T.C a dagirker li gundê Bilindhesen ê girêdayî Bajêrgeh a navçeya Gever a Colemêrgê operasyonek daye destpêkirin. Operasyon saet 00.00 bê encam vekişiyaye.

Sê roj in li herêmên gundê Gerdîb, Gercus û Keleh ên giredayî navendê artêşa T.C a dagirker kemîn danîne.

28’ê Hezîranê di navbera saet 00:00 - 12:00’an de qada Oremar a li navçeya Gever a Colemêrgê pêgerên hewayî yên bê mirov ên artêşa T.C a dagirker keşf pêk anîne. Tevgera hewayî li qadên me yên gerîla zêde bûne li gor vê;

Di navbera 26’ê Hezîranê saet 20:30 û 27’ê Hezîranê saet 15:30’î de li herêma Xinêre, 28’ê Hezîranê di navbera saet 02.00-03.00 li herêma Metîna, di navbera 27’ê Hezîranê saet 09:00 - 10:00, 14:30 - 16:00, 21:00 - 00:00 û 28’ê Hezîranê saet 02:00 - 11:00’an de li herêma Zapê û xeta sînor, di navbera 27’ê Hezîranê saet 20.00 û 28’ê Hezîranê saet 02.00 de li ser qada Şehîd Baran a girêdayê navçeya Farqîn a Amedê pêgerên hewayî yên bê mirov keşf pêk anîne.”