Hat zanîn ku 4 cenaze ji Sûrê hatin derxistin. Lê wek her car dîsa beriya cenaze bên derxistin rengê şer danê û cenaze derxistin. Destpêkê bi wesayîtên  cenazeyan ketin hundir. Piştî heyeta cihê lêkolînê ji Sûrê derket dengê teqîn û çekan hat. 

Li navçeya Sûrê ya Amedê  terora dewleta Tirk di roja 120'an de berdewam dike. Tevî ku Wezîrê Karên Hundir ê Tirk  Efkan Ala di 9'ê Adarê de diyar kiribû ku "wê operasyonên li Sûrê heta Newrozê bi dawî bibe" jî ji bo dorpêç dewam bike û hêzên dewletê bikaribin bi rehetî Sûrê biruxînin her carê senaryoya şer tê lîstin. Di saetên piştî nîvro de wesayîta cenazeyan a Şaredariya Bajarê Mezin ê Amedê ket nava Sûrê. Hat ragihandin  ku 4 cenaze hatine derxistin, lê dibe ku hêjmara cenazeyan zêdetir be. Piştî ku wesayîta cenazeyan ket hundir dîsa wek her roj ji bo senaryoya ku hatî amedekirin dengê çek û teqînan hat. Ji ber ku her cara wesayîta cenazeyan dikeve nava Sûrê dengê çekan tê û cenaze tên derxistin. Lê, tiştê balkêş ew e ku piştî wesayîta  cenazeya ket nav Sûrê û piştî ku heyeta cihê lêkolînê ji nava Sûrê derket dengê teqîn û çekan hat û helîkopter li ser Sûrê firiya. Wesayîta  cenazeyan ber bi Dîlokê ve ket rê.