HPG’ê dîmenên serdegirtina qereqola li navçeya Licê ya Amedê ya ku 2’yê mijdarê pêk hat weşand. Dîmen ji cihek nêzîk hatine kişandin û di dîmenan de tê dîtin ku gerîla ketine hundirê qereqolê û derbeyên giran li artêşa Tirk dixin.

Artêşa Tirk îdîa kiribû ku di encama çalakiya gerîlayan a li hemberî qereqola Angul a navçeya Licê ya Amedê ku 2’yê mijdarê pêk hat, de tenê leşkerek miriye û 6 leşker jî birîndar bûne. Lê li gorî HPG’ê gerîla ji çar aliyan ve bi ser qereqolê de giritn û di 45 deqeyan de bi dest xistin. Di encama çalakiyê de 25 leşker hatin kuştin û 1 tank, çeka otomatîk a A4 û balefirşkênek hatin rûxandin, 2 çekên G3 û 6 şarjorên wan û nasnameya leşkerekî hatin bidestxistin.

Li gorî agahiyên ku HPG’ê dan, gerîlayan li karwana hêza mudaxeleyê ya ji 20 wesayîtan pêk dihat xistin û di encamê de wesayitek kîrpî hate rûxandin û 15 leşker hatin kuştikn.

Dîmenên vê çalakiya gerîlayan di Gerîlla TV de ahtin weşandin. Ji dîmenan dixuyê ku gerîla dikevin hundirê qereqolê û derbeyên dijwar li artêşa Tirk dixin. Her wiha dîwarê qereqolê tê hilweşandin.

Dîmenên 32 deqe di malpera Gerîlla TV ya ku ji aliyê Navenda Çapemenî-Ragihandina HPG’ê ve tê birêvebirin de hate weşandin. (http://www.gerillatv.net/view_video.php?viewkey=00c7a771a15a852d2029))