Ji Artêşa Tirk xebatên keşfê û bombebaran
Tevgera leşkerî ya artêşa Tirk bênavber didome. Bombebarana li hember herêmên gerîlayan û tevgera hewayî her diçe zêde dibe.
Navenda Ragihandin û Çapemeniyê ya HPG’ê têkildarî bombebaran û tevgera hewayî ya artêşa Tirk daxuyaniyek nivîskî da.
HPG’ê di daxuyaniya xwe de wiha got: “12’ê Hezîranê saet di navbera 15.00 û 16.00’an de li Qereqola Oremarê ya girêdayî Geverê li hemberî herêmên Şehîd Rahîme, Tepê Şehîd Gafur, Tepê Şehîd Zerdeşt û Tepê Şehîd Bager a li xeta sînor a herêma Avaşîn a Herêmên Parastinê yên Medyayê ye, bi obus, hewan û tankan bombebaran pêk hatiye. Li dijî van êrîşên pêk hatine hêzên me yên gerîlayan demildest bi armanca hişyariyê gule berdane. Piştî vê hişyariyê saet di navbera 12.20-17.00’an ji Qereqola Oremarê bi piştgiriya pêgerên hewayî yên bê mirov heman herêm dîsa bombebaran kiriye. Dîsa Qereqola Oremarê saet di navbera 15.30 û 17.00’an de Tepê Derte bi obus û hewanan bombebaran kiriye.
Ji 8’ê Hezîranê heta 13’ê Heziranê îro saet di navbera 10.00’an de herêma Heftanînê, di 12’ê Hezîranê de saet di navbera 22.00-23.00’an ji xeta sînor a herêma Qendîlê, 11’ê Hezîranê saet di 04.00-16.00, 19.30-21.30’an herêma Garê, dîsa heman rojê saet di 08.00 û 13’ê Hezîranê de saet di 05.00’an de herêma Metîna û xeta sînor, 12’ê Hezîranê saet di 23.00 û 13’ê Hezîranê saet di 12.00’an de herêma Zapê, 12’ê Hezîranê saet di 21 û roja din saet di 01.00’ê de herêma Gabarê, 12’ê Hezîranê saet di 09.00-17.00’an de herêma başûr a Mûşê, heman rojê saet di 12.00-15.30’an de li navçeya Licê ya Amedê ji ser herêma Şehîd Ferhat û Şehîd Remzî balafirên artêşa T.C’ê xebatên keşfê kirine.
12’ê Hezîranê saet di navbera 18:00 - 19:00’an de leşkerên Qereqola Serbesta ya di bin kontrola artêşa TC a dagirker de û li xeta navçeya Qilaban a Şirnexê ye, herêmên derdora artêşa Tirk a li girê Arûş rasterast bombebaran kiriye.
Di navbera rojên 11-12’ê Hezîranê de li Bêgiriya Wanê li derdora gundê Kêleka artêşa T.C a dagirker kemîn daniye.
Di 11-12’ê Hezîranê de li gundê Musê yê Dambat a Agiriyê yekîneyên kontra li ser navê gerîlayên me ji gelê ku bazirganiyê dike bi zorê pere berhev kirine. Divê gelê me li dijî xebatên kontra baldar bin û divê neyên lîstikên qirêj.”
