Tevgera artêşa Tirk a li ser Herêmên Parastinê yên Medya ku didome, li hember qadên gerîlayan bi tank û hawanan bombardûman pêk tê.

Navenda Ragihandin û Çapemeniyê ya HPG’ê têkildarî bombardûman û tevgera hewayî ya artêşa Tirk li hember Herêmên Parastinê yên Medya daxuyaniyeke nivîskî weşand.

HPG’ê diyar kir ku keşf bênavber didomin û got, “10’ê Adarê (îro) saet di navbera 06:00 - 09:00’an de li ser qada Avaşîn a girêdayî Herêmên Parastinê yên Medya pêgerên hewayî yên keşfê yên artêşa TC a dagirker bi armanca keşfê geriyane. Ev tevgera hewayî li Herêmên me yên Parastinê yên Medya zêde bûne.

Li gor wê;

9 û 10’ê Adarê saet di navbera 04:00 – 10:00’an de li ser herêma Zapê, 9’ê Adarê saet di navbera 06:00 - 21:00’ê de li ser herêma Heftanîn û xeta sînor, heman rojê saet di navbera 10:00 - 15:30’î, saet di navbera 18:00 heta 10’ê Adarê (îro) saet 06:00 li ser herêma Metîna û xeta sînor pêgerên hewayî yên keşfê geriyane. Her wiha 9’ê Adarê saet di navbera 12:00 - 12:30’î de li ser herêma Heftanîn û saet di navbera 15:00 - 15:30’î de li ser herêma Metîna tevgera balafirên şer hatiye dîtin; saet di navbera 21:00 - 23:00’an de li ser xeta Heftanîn qadên Kêlîk û Şehîd Kendal helîkopterên Kobra geriyane.

JI ARTÊŞA TIRK ÊRÎŞA BI TANK Û HAWANAN

HPG’ê der barê bombardûmana, artêşa Tirk de ev agahî dan.

“9’ê Adarê saet di navbera 12:00 - 15:30’î de Qereqola Bîlîcan a di kontrola artêşa Tirk a dagirker de û li ser xeta sînor a herêma Zapê ye; li hember Tepê Guvenlîk, Tepê Hakan, gundê Hîlalê Köyü û Kanî Cinetê bi tank û hawnan bombardûmanek pêk hatiye.”