Navenda Çapemenî û Ragihandinê ya HPG’ê têkildarî tevgera leşkerî ya artêşa Tirk daxuyaniyeke nivîskî weşand.

HPG’ê di daxuyaniya xwe de cih da van agahiyan:

“29’ê Hezîranê di navbera 04:00 - 18:30’î de li hember Qendîlê, saet di navbera 15:30 - 22:30’î de li herêma Xakurkê, 30’ê Hezîranê (îro) di navbera saet 08:00 - 11:00’an de li herêma Avaşîn, 30’ê Hezîranê (îro) di navbera saet 05:00 - 08:00’an de li herêma Heftanîn, di navbera 29’ê Hezîranê saet 21:00 û 30’ê Hezîranê saet 11:00’an de li qada Oremar a girêdayî navçeya Gever a Colemêrgê, dîsa 30’ê Hezîranê di navbera saet 06:00 - 12:00’an de li qada Mêrgezerê ya li herêma Zagros bi piştgiriya pêgerên hewayî yên bê mirov tevgera balafirên şer rû daye.

29’ê Hezîranê saet 08:30'î li qada Msîro ya girêdayî navçeya Şemzînan a Colemêrgê, artêşa T.C a dagirker bi armanca operasyonê xwestiye bikeve herêmên me yên gerîla. Li ser vê yekê li hember leşkeran du caran gulebaran hatiye kirin. Artêşa Tirk dîsa heman rojê sate 09:30'î bê encam vegeriyaye.

29’ê Hezîranê saet 15:00'an artêşa T.C a dagirker li hember gundê Bilindbasan ê Bajêrgeh a girêdayî navçeya Geverê ya Colemêrgê bi piştgiriya 2 helîkopterên kobra û skorskyekê li herêmê operasyon pêk aniye. Operasyona heman rojê saet 17.00’an bê encam vekişiyaye.

29’ê Hezîranê saet di navbera 19:00 - 20:00’an de li hember girê Şehîd Bager ê li ser xeta qada Avaşîn, Qereqola Oremar a li navçeya Gever a Colemêrgê bi çekên giran ên  A4, obus û hewanan bombardûmanek pêk aniye. 30’ê Hezîranê di navbera saet 06:00 - 08:00’an, Qereqola Oremar li hember girê Şehîd Gafûr, Şehîd Bager, Şaxênêriya û Satê bi obus, hewan, A4 û tankan bombardûmanek pêk aniye. Li ser vê yekê hêzên me yên gerîla li hember van êrîşên artêşa Tirk bi çekên giran bi armanca hişyariyê bersiv dane.”