Li Girtîgeha Tîpa D ya Amedê, polîtîkaya ji bo bêdengkirina girtiyên siyasî dewam dike. Der barê 20 girtiyên din ên siyasî de biryara sirgûnkirinê hat standin. Hat ragihandin, ev girtî wê sirgûnî Bolû û Kocaelî bên kirin.

Li 9 ji van girtiyên bên sirgûnkirin cezayê ragirtina 11 rojan li hucreyê hat birîn.

NAVÊN GIRTIYÊN BÊN SIRGÛNKIRIN

13 girtiyên tên payîn sirgûnî Girtîgeha Tîpa F ya Kandira ya Kocaeliyê werin kirin ev in: Îbrahîm Halîl Aydin, Cîhan Çelîk, Îhsan Bîter, Bûrak Taş, Eyup Işiktaş, Enver Yûrddaş, Fîkret Çopan, Mûrat Ekîncî, Bûlent Kaya, Y. Serhat Bîlgîç, Selahattîn Şîmşek, Veysî Olçen û Fadil Tûncer."

Mûhammet Geter, Ramazan Yildirim, Şoreş Olçen, Mehmet Saraçoglû, Ferît Orak, Bahattîn Solhan û Nûsret Goktaş jî tên payîn sirgûnî Girtîgeha Tîpa F a Bolûyê bên kirin.

Ji van girtiyan, tevî ku lingê Goktaş şikestî ye û ji ber pirsgirêkên tenduristiyê nikare bi rêwîtiyeke dirêj de biçe, tê sirgûnkirin.