Dirûşma 'Bijî Serok Apo' di çarçoveya azadiya ramanê de hat nirxandin.

Di rûniştina biryarê ya doza darizandina Abdûllah Îzgî a ji ber îdîaya 'endametiya rêxistinê' de, piştî cezayê 12 salan ê ragirtinê lê hat birîn dirûşma 'Bijî Serok Apo' berz kir û li ser vê yekê bi hinceta 'propaganda rêxistinê kiriye' dozeke din lê hat vekirin. 

Di vê dozê de jî salek û 8 meh cezayê ragirtinê li Îzgî hat birîn. Piştî ku ev biryar ji aliyê Dadgeha Bilind ve hat betalkirin, doz careke din li 4. Dadgeha Cezayê Giran a Amedê hat dîtin. Di darizandina vê carê de, Îzgî beraet kir. 

Heyeta dadgehê biryareke balkêş da û diyar kir ku dirûşma ji bo rexnekirina biryara 12 sal cezayê ragirtinê hat berzkirin, di çarçoveya 'azadiya ramanê' de ye.