Ji malbatên Canan û Baran ên li Dêrsimê di komkujiya 1938'an de hatin şewitandin, hestiyên 24 kesan piştî 78 salan li Xozadê hatin dîtin. Hestiyên 24 kesan wê di 4'ê Gulanê de werin veşartin.
Hestiyên 24 kesên di Komkujiya 38'an a Dêrsimê de hatin şewitandin û qetilkirin, piştî 78 salan li Xozadê hatin dîtin.
Beriya du salan, li navçeya Dêrsim Xozadê gora komî hatibû dîtin û li ser vê yekê dozgeriyê lêpirsîn dabû destpêkirin. Li ser serlêdana Huseyîn Baran ê xizmên wî di komkujiyê de hatin qetilkirin, cihekî li nêzî gundê Karabayir ê Xozadê hat kolandin û gelek hestiyên mirovan hatin dîtin.
Parêzerê malbatên Canan û Baran Cîhan Soylemez da xuyakirin, ku hestiyên hatin dîtin piştî testa DNA radestî malbatan hatin kirin. Malbatên Canan û Baran hestiyên xizmên xwe yên berî 78 salan hatin qetilkirin xistin kîsên ji kevnikan û anîn malên xwe.
Hestiyên hatin dîtin, wê di 4'ê Nîsana 2016'an de bi merasîmekê werin veşartin.
