Gerîlayê ARGK’ê Erkan Bînîcî (Masûm) ê di sala 1998’an de li navçeya Erbaa ya Tokatê di şerekî de jiyana xwe ji dest da li navçeya Qereyazî ya Erziromê bi tevlîbûna hezaran hat defnkirin.

Cenazeyê Erkan Bînîcî (Masûm) ê ji aliyê “Komîteya Şehîdan a PKK’ê" ve hat diyarkirin ku di sala 1998’an de li bejahiya Taşova ya girêdayî navçeya Erbaa yaTokatê jiyana xwe ji dest daye, ji aliyê malbatê ve ji goristana bêkesan hat wergirtin û li navçeya Qereyazî ya Erziromê spartin axê.

Cenazeyê Bînîcî ji aliyê MEYA-DER û malbatê ve ji SaziyaTiba Edlî ya Meletî hat wergirtin û bi karwanekî ji sedan wesayîtan anîn Sancaktar a girêdayî Qereyazî. Dema cenazeyê Bînîcî anîn dikandarên navçeyê derabeyên dikanên xwe danîn. Cenazeyê Bînîcî li gund ji aliyê hezaran ve ku di nav wan de rêveberên bajêr û navçeyan ên DBP-HDP’ê, hevşaredar jî hebûn li ser milan bi dirûşma, “Şehîd namirin”, “PKK gel e gel li vir e” anîn goristana gund. Di meşê de li gel posterên Rêberê Gelê Kurd Abdullah Ocalan ên gerîlayê ARGK’ê Bînîcî, alên PKK û KCK’ê hatin vekirin.

Piştî cenaze hat defnkirin, bavê Bînîcî Sabît Bînîcî got, "Bila serê gelê Kurd sax be.”

Piştî Bînîcî, Hevseroka Rêxistina DBP’ê ya Erziromê Mîzgîn Sayan û Hevserokê Rêxistina Qereyazî ya DBP’ê Salih Altayli jî axivîn.

Piştî axaftinan girse derbasî mala teziyeyê bû.