Herêmên Parastinê yên Medyayê yên di bin kontrola gerîlayên HPGê de di 29-30ê mijdarê de du caran ji aliyê balafirên şer ên Tirk ve hatin bombebarankirin.

Navenda Çapemenî-Ragihandina HPGê (HPG-NÇR) derbarê bombebaranan de agahî da û got: “1. Di 30’ê Mijdarê de di navbera saet 23.00-24.00’an de li Herêmên Parastinê yên Medyayê li dijî Gundê Bolê û herêma Kortek a bi ser Qendîlêye ji aliyê artêşa dagirker a tirk bi balefirên şer hatiye bombekirin.”

HPG-NÇR ragihand ku di 30’ê Mijdarê de di navbera saet 23.00-24.00’an de li Herêmên Parastinê yên Medyayê li dijî herêma Xeregol, Gundên Orê û Reşmê yên bi ser Zapê ne ji aliyê artêşa dagirker a tirk bi balefirên şer êrîşeke hewayî hatiye lidarxistin û got: “Herweha li dijî heman herêma ji 30’ê Mijdarê heta danê sibê yê 1’ê Kanûnê bi hewan û obusan hatiye bombekirin.”

HPG-NÇRê got; “Di 29’ê Mijdarê de di navbera saet 12.00-13.00’an de li Herêmên Parastinê yên Medyayê li dijî tevahiya herêma Zapê ji aliyê artêşa dagirker a tirk bi balefirên şer hatiye bombekirin.”