Li herêma Ertoşê ku nêzîkî 40 kîlometroyî jî Çelê ya Colemergê dûr e, şerê ku 31’ê Tebaxê di navbera gerîlayên HPG’ê û artêşa Tirk de dest pê kirî berdewam dike. Di bin navê 'herêma taybet a ewlekariyê' de li mintiqeya gundên Marûfan, Bilêca û Ziyanîşê û Serê Sêvê ku bi salan e qedexe li ser wan heye, di şer de ji ber ku bi sedan leşker 'têrê nekirine' şevê jî di serî de ji tabûrên leşkerî yên Wanê, Tîma Fatîhan a Yuksekova û ji Tugaya Komando û Çiya ya Bolûyê leşkerên tevgera taybet û polîs şandin herêmê.

TEVGERA HELÎKOPTER Û AMBÛLANSAN

Ji ber ku li herêmê rêyên ragihandinê bi temamî girtî ne agahiyeke rast jê nayê wergirtin. Tevgera helîkopter û ambûlansan nîşan didin ku şer hê berdewam e.

Li hêla din, ji Geliyê Tiyarê ku van rojên dawî şer li wir bû û ji gelek gundên ku ji 24’ê Tebaxê ve 'qedexeya derketina derve' lê  hatibû ragihandin ti agahiyek nayê standin.

Bal dikişîne ku gelek ambûlans ji bo leşkerê mirî û birîndar rake, hazir têne sekinandin. 

Di serî de Nexweşxaneya Dewletê ya Colemêrgê gelek nexweşxane di alarmê de ne.