Dêrsimiyan bi meşekê 'Pakêta Ewlekariya Hundir protesto kirin. Parêzer Yildirim di axaftina xwe ya li vir de destnîşan kir ku ev pakêt wê rê li ber binpêkirinên mezin ên maf û azadiyan veke.

Hewldana Meclîsa Gel a Dêrsimê, li hemberî 'Pakêta Ewlekariya Hundir' a rê ber binpêkirinên mezin ên mafên bingehîn û azadiya veke, li Meydana Seyid Riza meşiyan. Di çalakiyê de nûnerên rêxistinên civakî yên sivîl, partiyên siyasî, Hevşaredarê Dêrsimê Mehmet Alî Bûl û hunermend Tûkç li gel hejmareke zêde Dêrsimiyan amade bûn. Di çalakiyê de pankartên bi nivîsa "Em ê rê endin OHAL a AKP'ê, bila Pêşnûme qanûna ewlekariya hundir were betalkirin" û "Emre Aslan ê YPG'yî (Elîşêr Dêrsim) namire" hatin vekirin.

Parêzer Bariş Yildirim daxuyanî da çapemeniyê û diyar kir ku erka dozgerî û dadgehê ji polîsan re tê dayîn, her wiha erka bikaranîna çek û şîdetê ya polîsan tê berfirehkirin û destnîşan kir ku bi guhertinên tên kirin re Walî dibin waliyên OHAL'ê.

Parêzer Yildirim anî ziman ku pakêt gefê li mafên bingehîn ên mirovan û azadiyan dixwe û anî ziman ku bi vê pakêtê re ewlekariya hiqûqê ji holê tê rakirin.

'NÊZÎKATIYA BÊDENGKIRINA TÊKOŞÎNA DEMOKRATÎK'

Parêzer Bariş Yildirim got, "Diyar e ku Pakêta Ewlekariya Hundir, li dijî têkoşîna Kurdan, Elewiyan, karker û kedkaran, li dijî têkoşîna civakî ya ji bo lêgerîna mafên demokratîk tên meşandin, werin bêdengkirin, hatiye amadekirin."