Ceyş El Siwar (Artêşa Şoreşgeran) daxuyaniyeke nivîskî li lampera xwe ya înternetê weşand.

Daxuyaniya Artêşa Şoreşgeran wiha ye:

"Komên çete yên Cebhet El-Nûsra û alîgirên wê şevê din ji bajaroka Şêx Îsa ya rojhilatê Til Rifat (Arfed) êrîşî çeperên hêzên me yên nêzî wê herêmê kirin. Şervanên Ceyş El-Siwar bi alîkariya YPJ/YPG’ê bersiva êrîşên çeteyan dan û êrîş şikandin.

Di encama vî şerî de şervanekî YPG’ê şehîd bû û 2 şervanên Ceyş El-Siwar jî birîndar bûn. Her wiha hejmarek mezin ji çeteyan hatin kuştin û birîndarkirin. Ji ber ku heya niha şerê demkî hene, hejmara kuştiyên dijmin nehat tespîtkirin.

Em ê li hember êrîşên van koman û topbarana li dijî taxa Şêxmeqsûd a Helebê dikin bêdeng nemînin û bersiva hemû êrîşan bidin."