Li Şirnexê, ku berxwedana li dijî êrîşên çeteyên Qesrê di roja 42. de ye, duh êvarê taxên Îsmetpaşa û Cûmhûriyetê bi obusan hatin bombekirin. Tevî bomberdûmanê çeteyên Qesrê hewl dan bikevin nava taxa Îsmetpaşa. Di navbera çeteyên Qesrê û endamên YPS/YPS Jinê de li vir şer derket û 2 tîmên taybet hatin kuştin. Piştî vê derbê, çeteyên Qesrê li şûna xwe ya berê vegeriyan û ji nû ve dest bi bomberdûmanê kirin.

Ji ber bomberdûmana ku tevahiya şevê dewam kir, gelek xaniyên li taxa Îsmetpayaşê şewitîn. Şewata li xaniyan dewam dike û destûr nayê dayîn ku arkuj şewatê vemirînin.

Danê sibehê li jorê taxên Îsmetpaşa û Cûmhûriyetê, di navbera hêzên rejîmê û endamên YPS/YPS Jinê de şerekî dijwar destpê kir. Bomberdûman û şer dewam dikin.

Di vê navberê de ji 23. Fermandariya Jendermeyan a Sînor û Nexweşxaneya Dewletê gelek ambûlans sewqî herêmên şer hatin kirin. Li ser kuştî û birîndaran agahî nehat ibdestxistin.

Wekî din, ji duh bi şev û vir ve balafirên keşfê yên bêmirov li ser bajêr digerin. Gelek helîkopterên ji 23. Fermandariya Jendermeyan a Sînor rabûn jî li ser çiyayên Cûdî û Gabar bi nizmî difirin.