Bombardûman û tevgera leşkerî ya artêşa Tirk a li hember Herêmên Parastinê yên Medya bênavber didome.

Navenda Ragihandin û Çapemeniyê ya HPG’ê, diyar kir ku tevgera leşkerî û bombardûmana artêşa Tirk didome.

HPG’ê di daxuyaniya xwe de têkildarî mijarê ev agahî da:

“8’ê Sibatê saet 12:00'an artêşa Tirk a dagirker ji Qereqola Mûseka ya girêdayî navçeya Şemzînan a Colemêrgê bi yekîneyên taybet operasyonek daye destpêkirin. Artêşa Tirk operasyonê li eraziyê bi awayekî kemîndanînan didomîne.

8’ê Sibatê saet di navbera 09:00 - 15:00’an de li herêma Heftanîn a girêdayî Herêmên Parastinê yên Medya ji qereqola Girê Meymûn a di bin kontrola artêşa Tirk a dagirker de, qadên Şehîd Kendal û Şehîd Rênas bi obus û hewanan hatiye bombardûmankirin.

8’ê Sibatê saet di navbera 23:00 - 00:00’an de li ser herêma me ya Zapê ya Herêmên Parastinê yên  Medya bi balafirên bêmirov keşf pêk hatiye û tevgera balafirên şer jî hatiye dîtin. Her wiha li ser herêma Metîna jî 9’ê Sibatê saet di navbera 00:00 - 02:00’an de balafirên bêmirov bi armanca keşfê geriyane.”