Çalakiya nobeda berxwedanê ya 10 roj berê li taxa Terolar a navçeya Mereş Dûlkadîrê hat destpêkirin, bi serdanan dewam dike. Danê vê sibehê bi hezaran kes hatin qadê û destek dan berxwedanê. Endama KJA'yê Sebahat Tûncel, hunermend Pinar Aydinlar, Serokê Giştî yê ODP'ê Alper Taş, Endamê Desteya Rêveber a Weqfa Çandê ya Anatolî ya Haci Bektaşi Velî Bulent Gultekîn, Serokê Giştî yê Komeleya Çandê ya Pîr Sûltan Abdal û gelek rêveberên partiyên siyasî û rêxistinên civakî yên sivîl qada berxwedanê ziyaret kirin. Ewlekariya qadê jî ji aliyê endamên Platforma Jiyanê ya Mereşê ve tê kirin. Di vê navberê de tevlîbûna gel a li çalakiyê roj bi roj mezin dibe.