Navenda Ragihandin û Çapemeniyê ya HPG'ê bi daxuyaniyeke nivîskî ragihand ku artêşa Tirk Herêmên Parastinê yên Medyayê bombebaran kiriye.

Di daxuyaniya HPG'ê de hat gotin, "Di 16'ê Hezîranê saet di navbera 19:30 - 21:00 û di 17'ê Hezîranê saet di navbera 09:00 - 10:00 de qereqola Oremarê ya li navçeya Colemêrg Geverê bi obus, hawan, tank û çeka giran a A4 girên Şehîd Gafûr û Şehîd Bager ên herêma Avaşînê bombebaran kiriye.

Di 16'ê Hezîranê saet di navbera 07:30 - 08:30 de qereqola Oremarê ya li navçeya Colemêrg Geverê ku di bin kontrola artêşa T.C a dagirker de ye, bi obus û hawanan qadên Girê Dertê û Deryê Gomankê yên herêma Zagrosê bombebaran kiriye. Di 17'ê Hezîranê saet di navbera 09:00 - 12:00 de artêşa Tirk Girê Dertê bi obus û hawanan bombebaran kiriye."

TEVGERA HEWAYÎ BÊ NAVBER DEWAM DIKE

HPG'ê li ser tevgera hewayî jî ev agahî da: "Di 16'ê Hezîranê saet di navbera 16:30 - 17:00 de li qada Şehîd Rahîme ya herêma Avaşînê, saet di navbera 16:30 - 18:00 de li herêma Zagrosê, saet di navbera 15:30 - 17:30 de li herêma Metîna, di 17'ê Hezîranê saet di navbera 03:00 - 04:00 de li herêma Zapê balafirên şer ên artêşa T.C a dagirker tev geriyane. Ev tevgera hewayî li qadên me yên gerîla zêde bûye û dewam dike. Li gorî vê yekê;

Di 17'ê Hezîranê (îro) saet di navbera 04:30 - 11:00 de li herêma Avaşînê, ji saet 07:00 ê 16'ê Hezîranê heta saet 12:00 ê 17'ê Hezîranê li herêma Zagrosê, di rojên 16-17'ê Hezîranê saet di navbera 20:30 - 08:00 de li qada Şehîd Baran a navçeya Amed Farqînê, di 16'ê Hezîranê saet di navbera 08:00 - 15:00 de li qada Şehîd Birûsk a navçeya Amed Pîranê, di 16'ê Hezîranê saet di navbera 13:00 - 14:00 de li herêma Garê û qadên Geliyê Zap û Garêya Mezin ên herêma Zapê, di 16'ê Hezîranê saet di navbera 04:00 - 13:00 û 19:00 - 21:00 de li herêma Metîna, pêgerên hewayî yên bê mirov ên artêşa Tirk keşif kirine."

ARTÊŞA TIRK LI MÊRDÎN Û AGIRÊ DERKET OPERASYONÊ

Di dewama daxuyaniya HPG'ê de ev agahî hat dayîn:

"Di 14'ê Hezîranê de artêşa T.C a dagirker li qada gundên Berder Memo, Mesker, Xirbê Kermêtê û Poza yên navçeya Mêrdîn Mehsertê, bi desteka cerdevanan derketiye operasyonê û ev operasyon hînê dewam dike.

Di 16'ê Hezîranê saet di navbera 10:00 - 17:00 de artêşa T.C a dagirker li gundê Kara Hamza yê qada Kozmê ya Mûşê bi maşînên zirxî keşf kiriye.

Di 16'ê Hezîranê saet di 07:00 de li qada Eleganê ya navçeya Agirî Dambatê, artêşa T.C a dagirker derketiye operasyonê. Operasyon heman rojê saet di 16:30 bi awayekî bê encam mayî bi dawî bû."