HPG’ê nasnameya gerîlaya bi nasnav Derya Zebarî ku di 2012’an de jiyana xwe ji dest daye aşkera kir. Di daxuyaniyê de wiha hate gotin: “Berpirsyariya dewrî me kiriye ev e ku Yekîtiya Neteweyî bi lez gelê me di asteke xurtir de bînin cem hev û ev jî wê serketina têkoşîna me pêk bîne. Bi hişmendiya vê peywirê em şehîd Deryayê bi rêz bibîr tînin û soza xwe ya girêdayîna têkoşîna wê dubare dikin.

Navenda Ragihandin û Çapemeniyê ya HPG’ê nasnameya gerîlayeke jin a di 2012’an de jiyan xwe ji dest daye aşkera kir. Di daxuyaniyê de wiha hat gotin: “Têkoşîna me ya azadiya Kurdistanê, hemû yekîtiya  eteweyî û yekbûyînê bi berpirsyarî û hişmendiya peywirek mezin pêşwazî dike. Ev têkoşîna dîrokî ya bi heybet îro gelê Kurd veguhertiye xwedîderketinek mezin. Hevala Derya ku ji Başûrê Kurdistanê tevlî refên me bû û di hişmendiya berpirsyariya dîrokî de derbasî tevgerê bû, di 2008’an de tevlî refên gerîla bûye.”

Daxuyaniya HPG’ê wiha berdewam kir: “Hevala Derya Zebarî-Pervîn Ramadan  wek qîrîna jina Kurd a Başûrê Kurdistanê di têkoşîna azadiyê de cihê xwe girtiye û bi biryarek mezin geşedanên girîng derxistiye holê. Bi hişmendiya berpirsyariyeke mezin têkoşîna xwe meşandiye û bi sekna xwe ya biryar, bûye xwedî seknek tevlîbûnê esas digire û di têkoşîn û lêgerînê de israr dike.

Hevala Derya ku navê serhildana li dijî her cureyê paşverûtiya li dijî jinê bû, têkoşîna azadiya jinê wek têkoşîna ku dest jê nayê berdan dîtiye û xwe bi awayekî xurt perwerde kiriye û guherîn û geşedanên di kesayeta xwe de pêk aniye bi hevalên xwe yên têkoşînê re parve kiriye. Bi taybetiyên xwe yên kesane hatiye hezkirin û rêz dîtiye. Hevala Derya di 7’ê Îlona 2012’an de li Herêmên Parastinê yên Medya li herêma Metîna di êrîşeke artêşa Tirk de şehîd ketiye.

Hevala Derya ji bo yekîtiya neteweyî û yekbûyina gelê Kurd têkoşînek mezin daye û di nava şehîdên azadiyê de cihê xwe girtiye. Berpirsyariya ku wê dewrî me kiriye ev e ku Yekîtiya Neteweyî bi lez  gelê me di asteke xurtir de bînin cem hev û ev jî wê serketina têkoşîna me pêk bîne. Bi hişmendiya vê peywirê em şehîd Deryayê bi rêz bibîr tînin û soza xwe ya girêdayîna têkoşîna wê dubare dikin.”