Çalakiya nobetê ya Mexmûrê: Rêber Apo xeta me ya sor e
Çalakvanên nobeta dorveger ya Wargeha Penaberan a Mexmûrê destnîşan kir ku Rêber Apo îrade, hebûn û xeta wan ya sore.
Çalakiya nobetê ya li Wargeha Penaberan a Şehîd Rûstem Cûdî (Mexmûr) di 20’ê Tîrmeha 2023’an de ji bo azadiya fîzîkî ya Rêber Apo hatiye destpêkirin bi koma 208’an û di roja 1080’an de didome.
Di dewrgirtina çalakiya nobetê ya ku li navenda Saziya Malbatên Şehîdan a Mexmûrê pêk hat de, endam, rêveberên sazî, dezgehên civakî û gelek kes amade bûn.
Di çalakiyê de wêneyên Rêber Apo hatin bilindkirin û dirûşmeyên “Bijî Serok Apo”, “Bê Serok Jiyan Nabe” û “Jin, Jiyan, Azadî” hatin berzkirin.
Piştî deqeyek rêzgirtinê, li ser navê koma 207’an Endama Rêveberiya Meclîsa Gel Fatma Bîlen axivî.
Fatma Bîlen di destpêka axaftina xwe de bal kişan ser sekin û berxwedana Rêber Apo û diyar kir ku ew berxwedana li Girava Îmraliyê ya 27 salan silav dikin.
