Ji bo şervanên jiyana xwe ji dest dan, di destpêkê de li stadyûma navenda Efrînê merasîmek hat lidarxistin. Cenazeyên şervanan dûre birin Goristanên Şehîd Seydo û Şehîd Refîq. Ji bo şervanan merasîmeke leşkerî hat lidarxistin.

Alîkara Serokê Desteya Parastinê ya Kantona Efrînê Dîcle Husên li vir axivî û destnîşan kir, ku ew îro bi saya şehîdan dikarin bijîn.

Ji fermandarên Ceyş El Siwar Ebû Stêf jî soza hilanîna tola şervanên azadiyê da û got, "Şehadeta hevalên me, israra me ya di têkoşîna azadiyê de zêdetir dike. Avakirina Sûriyeyeke azad û demokratîk a ji çeteyan hatiye paqijkirin, armanca me ya bingehîn e."

Li dû axaftinan nasnameyên şervanên azadiyê hatin xwendin û belgeyên şehadetê radestî malbatan hatin kirin.

Cenazeyên şervanên azadiyê li ber dirûşme û tilîliyan hatin veşartin.

Cenazeyên 4 şervanan (Harûn Rojhat, Egîd Çiya, Şoreş Kobanê) li goristana Şehîd Seydo hatin definkirin.

Cenazeyên 6 şervanan (Silêman Heco, Xelîl Muslim, Ehmed Reşîd, Yûsif Nûrî, Şoreş û ehemed Ebdo) li Goristana Şehîd Refîq a li gundê Metîna spartin axê.