Ciwanên Kurd û enterasyonalîst, li bajarê Dortmûnd ê Elmanyayê bi dirûşmeya "Bi ciwanên rêxistinbûyî ber bi azadiya Rêbertî ve" konferansek lidar xistin. Encamnameya konferansê hat eşkerekirin.
Ji Elmanya, Swîsre, Fransa, Îtalya, Îngilistan û gelek welatên din bi dehan ciwan tevlî konferansê bûn û nêzîkî 6 saetan dewam kir.
Encamnameya konferansê ku azadiya fîzîkî ya Rêberê Gelê Kurd Abdullah Ocalan hat nîqaşkirin, bi daxuyaniyeke çapemeniyê ji raya giştî re hat ragihandin.
Encamnameya konferansê wiha ye:
- Hemû tiştên têkîldarî Rêber Apo wê bibe navenda xebatên ciwanan.
- Li dijî zîhniyeta netew-dewletê ku piştî Komploya Navneteweyî ya ji bo tasfiyekirina Tevgera Azadiyê êrîşên xwe didomîne, paradîgmaya Modernîteya Demokratîk a Rêber Apo bi hêztir were vegotin û xebatên ji bo vê yekê bêne organîzekirin.
- Felsefe û paradîgmaya Rêber Apo ji Rojhilata Navîn heta Emerîkaya Latîn, ji Efrîkayê heta Asyayê, ji Ewropayê heta Awûstralyayê wek pîvana dilsozî û hezkirinê ya Rêber Apo bê nasandin û belavkirin.
- Tecrîd û îzolasyona li ser Rêber Apo ku bi salan e didome, bibe rojev û li ser vê bingehê têkoşîn bê kirin.
- Di çarçoveya Paradîgmaya Azadiya Jinê ya ku Rêber Apo bi ked û hewldanake mezin afirandiye, bi hemû rêxistinên jinan ên cîhanê re nîqaş bên kirin û di ronahiya Şoreşa Rojava de ku em dibêjin Şoreşa Jinê, tevbigerin û felsefeya Rêber Apo bê belav kirin.
- Rola DYE, YE, CPT, DMME’ê ku xwe weke sazî û rêxistinên herî demokratîk nîşan didin, di pergala tecrîda li ser Rêber Apo de li ber çavên raya giştî ya cîhanê bê eşkerekirin.
- Ji bo ku hemû kesên ku dixwazin vê bêedaletiyê rawestînin, bi taybetî jî rêxistinên hevgirtina xwe bi Rêber Apo û gelê Kurd re çêbikin, ji CPT û Konseya Ewropayê re bi awayekî seferberî nameyan bişînin.
- Li dijî helwest û kiryarên ku di şexsê Rêber Apo de li hemberî girtiyên li girtîgehên Kurdistan û Tirkiyeyê tên kirin, derbikevin û li ser vê bingehê xebat bên kirin.
- Ji bo ku gelek sazî, bi taybetî Konseya Ewropayê ji bo azadiya Rêber Apo gavan biavêjin, xebat bên kirin.
