'Nobeda Azadiyê' ku di 25'ê Hezîrana 2012'an de bi pêşengiya Înîsiyatîfa Azadî ji Abdullah Ocalan re li dijî tecrîdê û ji bo misogerkirina azadiya fîzîkî ya Rêberê Gelê Kurd Abdullah Ocalan li bajarê Strasboûrgê yê Fransayê destpê kir, dewam dike.

Çalakgerên vê hefteyê Suleyman Kûle, Mehmet Okan û Mûrat Demîr in ku li Fransayê karên mirovî dikin û bi navê saziya xwe tevlî çalakiyê bûne.

Berdevkê komê Suleyman Kûle diyar kir ku Rêberê Gelê Kurd Abdullah Ocalan di nava tecrîdeke mutleq de ye, nikarin agahiyê jê werbigirin û got, "Heta ku Rêberê me azad bibe em ê nobeda xwe dewam bikin."

Berdevkê komê bêdengiya Komîteya Pêşîgirtina li Êşkenceyê, Parlamenta Ewropayê û saziyên din ên Ewropayê ya li hemberî tecrîdê şermezar kir û bang li raya giştî ya Ewropayê kir ku li ser mijarê baldar be.