Kurdistaniyên li bajarê Lîmassolê yê Qibrisê, ji bo şermezarkirina tecrîda li ser Rêberê Gelê Kurd Abdullah Ocalan û ji bo misogeriya azadiya Ocalan careke din daketin qadan. Bi banga Navenda Civaka Kurd a Demokratîk, Kurdistanî li Moloz Parkê li hev civiyan, meşiyan û piştre daxuyanî dan çapemeniyê.

Di çalakiyê de hate ragihandin ku Ocalan ji bo gelê Kurd xeta sor e û divê parêzer karibin tavilê rû bi rû hevdîtinê pê re bikin.

Çalakî bi qîrîna dirûşmên "Bijî Serok Apo", "Bê Serok jiyan nabe" bi dawî bû.