MARSÎLYA

Li Marsîlyayê gelê Kurd û dostên wan saet di 17.00’an de ji Qada Canabîereyê ber bi Qada Vîeûx-Portê ve meşiyan.

Di meşê de posterê şehîd Kasim Engîn, Rêberê Gelê Kurd Abdullah Ocalan, kadroyên pêşeng ên PKK’ê Mûrat Karayilan, Cemîl Bayik û Dûran Kalkan û pankarta ‘PKK tevgera azadiyê ye’ hate hildan.

Di meşê de sloganên ‘Erdoganê terorîst’û ‘TC qatil e, Ewropa şirîk e’ hate berzkirin.

Piştî meşê gel li Qada Vîeûx Portê mîtîngek lidarxist. Di mîtîngê de belavok hate xwendin.

HANNOVER

Li bajarê Hannoverê yê Elmanyayê êrîşên dagirker ên dewleta Tirk hate protestokirin. Çalakî bi pêşengiya Meclîsa Navenda Civakî ya Kurdan a Hannoverê saet di 14.00’an de li pêşiya îstasyona trênê Hannoverê bi rêzgirtinê dest pê kir û piştre meş hate kirin.

Di meşê de flamayên TEV-DEM, YPG, YPJ, TJK-E, TCŞ’ê hate hildan, belavok hate xwendin û sloganên ‘Bijî Serok Apo’ , ‘Erdoganê qail’ û ‘Erdoganê dîktator’ hate berzkirin.

Çalakî li Qada Halîm Dener bi dawî bû.