Dîwana Hevserokatiya KONGRA-GEL di daxuyaniya nivîskî ya dayî de, diyar kir ku dewleta Tirk a dagirker bi êrîşên dawî yên li ser Bakur û Rojhilatê Sûriyeyê armanc dike ku sîstema Rojava hilweşîne.

Di daxuyaniyê de ev tişt jî hat diyarkirin: “Hikûmeta AKP-MHP’ê ya faşîst du roj in li Rojava ji bo hilweşandina jiyana civakî dest bi êrîşan kiriye. Bi van êrîşan qadên jiyana civakî ya sivîlan dike hedef û dixwaze ku bi tirsê gel bide koçberkirin. Armanca wan ew e ku sîstema Rojava hilweşînin.

Ev êrîşên dewleta Tirk sûcê şer e. Hêzên koalîsyona navneteweyî, divê demildest bibe xwedî helwest û mudaxele bike. Yan bêdengî tê wateya hevkariya sûc.

Em bang li gelê xwe yê welatparêz û dostên xwe dikin; Li dijî faşîzma AKP-MHP’ê û hevkarên wan, demildest bi ruhê seferberiyê rabin ser piyan. Niha dem, dema têkbirina faşîzma Erdogan e.”