Komploya 9’ê Cotmehê ya li dijî Rêberê Gelê Kurd Abdullah Ocalan, li herêma Elegezê ya Ermenîstanê bi daxuyeniyekê hat protestokirin.

Endamê Komîteya Kurdistan Silo Dirboyan, Endamê Meclîsa gel Yurîk Davoyan û Dayê Çîlê axivin.

Silo Dirboyan diyar kir ku komploya 9’ê Cotmeha 1998’an ya li dijî Abdullah Ocalan û êrîşên qirker ên dewleta Tirk îro bi ser Bakur û Rojhilatê Sûriyeyê bi hev re girêdayî ne û got: “Divê her kes ji bo azadiya fîzîkî ya Rêber Apo ku temînata azadiyê ye erka xwe pêk bîne. Em li hemberî êrîşên hovane ên dewleta Tirk û tecrîda girankirî bêdeng nemînin.”

Dayê Çîlê got ku Abdullah Ocalan 25 sal in li dijî tecrîda Îmraliyê li ber xwe dide û got ku ew ê bi şopandina rêya wî û ya gerîla Rêber Apo azad bikin.

Davoyan jî destnîşan kir ku komploya navneteweyî 25 sal in bi awayên cuda li ser gelê Kurd tê meşandin û dewleta Tirk û hêzên din ên di komployê de cih girtine şermezar kir. Davoyan got ku gelê Kurd û gerîlayên Kurd bi rêxistinbûn, berxwedan û hesasiyetê komplo pûç kirin.,

Çalakî bi dirûşmeyên “Bijî Serok Apo”, “Bijî Berxwedana Rojava” û “Jin, jiyan, azadî” bi dawî bû.