Di daxuyaniya nivîskî ya Kongreya Civakên Kurdistanî yên li Ewropayê (KCDK-E) de hat gotin, "Yek ji neferên têkoşîna azadiyê ya Kurd Hasan Sîdar li Lûzernê ku lê dihat dermankirin jiyana xwe ji dest da. Hasan Sîdar bi merasîmekê ku li bajarê Zurîh ê Swîsreyê hat pêk anîn hate veşartin."

Di daxuyaniyê de ev tişt hatin gotin:

“Sîdar li gundê Musolar ê navçeya Pazarcix a Mereşê ku lê ji dayik bû hate veşartin.

Hasan Sîdar heta nefesa xwe ya dawî ji bo têkoşîna azadiyê ked da û jiyana xwe domand. Sîdar kesayetek wisa bû ku aliyê her kesê ve dihat hezkirin. Hevrê Hasan Sîdar 3 salan bi pirsgirêkên tenduristiyê re têkoşiya. Têkoşîna wî û ala ku wî hildayî, wê ti carî nekeve erdê. Gelê Kurd û hevrêyên wî ala azadiyê wê hîn bilindtir bikin. Weke KCDK-E em li ber bîranîna hevrê Hasan Sîdar bi rêzdarî bejna xwe ditewînin, di serî de malbata wî ji gelê Kurdistanê re sersaxiyê dixwazin.”