Fatoş Saglamgoz (Sema) ji bo protestokirina Komploya Navneteweyî ya li dijî Rêberê Gelê Kurd Abdullah Ocalan roja 11’ê Mijdara 2003’an li bajarê Goteborg ê Swêdê bedena xwe dabû ber agir û şehîd bûbû.

Merasîma bîranînê bi deqeyek rêzgirtinê destpê kir. Di merasîmê de li ser navê  Komeleya Malbatên Şehîdan û tevgera jinan axaftin hatin kirin.

Di merasîmê bîranînê de helbestek a Şehîd Fatoş Saglamgozê ku beriya şehîd bibe nivîsandibû, hate xwendin û hevalên şehîdê yên jin ku bi wê re têkoşîn meşandine, qala bîranînên xwe yên bi şehîd re kirin.

Merasîma bîranînê bi berzkirina dirûşmeyên “Jin Jiyan Azadî” û “Şehîd Namirin” bi dawî bû.