Ciwanên Kurd li Zurîhê li dijî êrîşên dagirkirinê meşiyan
Tevgera Ciwanên Kurd li Zûrîhê ya Swîsreyê li dijî êrîşên dagirkeriyê yên Tirk ên li ser Qadên Parastinê yên Medyayê meşiyan.
Bi pêşengiya TCŞ û TEKO-JIN'ê çarşemê saet 19:00'an ciwan li Helvetîaplatzê hatin cem hev, li dijî tecrîda li ser Rêberê Gelê Kurd Abdullah Ocalan û êrîşên dagirker ên Tirk ên li ser Başûrê Kurdistanê meşiyan.
Ciwanan pankarta, ''Ji Ocalan re azadi, ji Kurdistanê re aştî'' hildan, heta bi meydana Stadholfenê meşiyan û li vir daxuyaniyeke kurt dan.
Ciwanan di axaftinan de diyar kirin azadiya Rêberê Gelê Kurd Ocalan azadiya Kurdistanê ye, tecrîd parçeyek ji êrîşên dagirker û qirker e.
Ciwanan di çalakiyê de bi dirûşmeyan gotin ,''Bijî Serok Apo'', ''Bijî berxwedana gerîla''.
