Ciwanên Kurd li bajarê Marsîlya yê Fransayê li hev civiyan û ji bo balê bikişînin ser tecrîda li ser Rêberê Gelê Kurd Abdullah Ocalan li avahiya Nûnertiya Parlementoya Ewropayê ya li bajarê Marsîlya yê Fransayê çalakiya bêîteatiya sivîl li dar xistin.

Ciwanên ku bi pankarta Fransî “Ji Rêber Apo re azadî” û berzkirina dirûşmeya “Lîberte pour Ocalan” ketin avahiyê, diyar kirin ku hemû saziyên cîhanê û Ewropayê şirîkê vê êşkenceyê ne û xwestin dawî li pergala êşkenceyê ya li Îmraliyê bê anîn.

Çalakvanên dosyaya ku daxwaza azadiya fîzîkî ya Abdullah Ocalan dikir, radestî rayedarên Parlementoya Ewropayê kirin û li ber avahiyê çalakiya xwe domandin.