Ciwan li Freîbûrg û Marsîlyayê ji bo Rêberê Gelê Kurd li qadan bûn
Li bajarê Marsîlya ya Fransa û li Freîbûrg a Elmanyayê ciwanên Kurd ji bo azadiya Rêberê Gelê Kurd derketin qadan.
Li bajarê Marsîlya ya Fransayê aktivîstên TCŞ'ê û TEKOJIN'ê ji bo azadiya fizîkî ya Rêberê Gelê Kurd Abdullah Ocalan çalakî kirinn.
Ciwan bi dirûşmeya, ''Ciwan fedayiyên Rêber Apo ne'', li Belle de Maî komî ser hev bûn û diyar kirin heta ku Rêberê Gelê Kurd azad bibe ew ê çalak bin.
Ciwanan siyaseta gemarî ya Fransayê ya li ser ciwanên Kurd şermezar kirin, xwestin ku dev ji vê siyasetê biqerin û bi dirûşmeyan gotin ,''Bijî Serok Apo'', ''Ji Ocalan re azadî'', ''Ji girtiyên siyasî re azadî'', ''PKK''.
Çalakî bi qasî saetekê dom kir û hate xwestin ku di serî de ciwan divê hemû Kurdistanî li ser piyan bin.
FREÎBURG
Bi çarçoweya rojbûna 72'an a Rêberê Gelê Kurd Abdullah Ocalan jî ciwanan li Freîbûrgê pankart daleqandin û xebata agahdarkiriyê kirin.
Ciwanan pankartek bi ser pira navenda bajêr ve kirin.
Ciwanan bi pankartê rojbûna Rêberê Gelê Kurd Abdullah Ocalan pîroz kirin, tecrîd şermezar kirin.
Her wiha têkilî tecrîd û polîtîkaya îşkenceya sîstematîk a li ser Rêberê Gelê Kurd belavok danîn qotiyên posteyê.
