Beriya hevdîtina Serokkomarê Tirk Recep Tayyîp Erdogan û Serokwezîrê Awûstûryayê Karl Nehamer roja Sêşemê, wêneyê Rêberê Gelê Kurd Abdullah Ocalan li ser Sefaretxaneya Tirk a li Viyanayê hate pêşandan.
Li paytexta Awûstûrya Viyanayê ji aliyê çalakgerên çepgir ve çalakiyek protestoyî hat lidarxistin. Çalakgeran wêneyê Rêberê Gelê Kurd Abdullah Ocalan li ser Sefaretxaneya Tirk pêşandan.
Çalakî beriya hevdîtina Serokwezîrê Awûstûrya Karl Nehammer û Serokkomarê Tirk Recep Tayyîp Erdogan ku wê roja Sêşemê li Enqereyê pêk were, hate lidarxistin.
Koma Viyanayê ya kampanyaya piştevaniya navneteweyî ya bi navê "Rise up 4 Rojava" çalakî parve kir û ev tişt anî ziman: "Ji bo çareseriya aştiyane ya Kurdistanê tenê rejîma Tirkiyeyê Abdullah Ocalan azad bike, pêkan e!”
Komê da zanîn ku beriya hevdîtina Erdogan-Nehammer posterê Abdullah Ocalan bi ser Sefaretxaneya Tirk pêşandane.
