Li bajarê Bremen ê Elmanyayê êrîşên dagirkerî û qirkirinê yên dewleta Tirk ên bi ser Bakur û Rojhilatê Sûriyeyê hatin protestokirin.

Kurdistanî û dostên wan bi pêşengiya Meclîsa Civaka Kurd a Demokratîk a Bremenê û Meclîsa Jin a Seve di saet 14:00’an de li Leîbnîtzplatzê li hev civiyan û ji Domsheîdê heta Sîelwallê meşiyan.

Girse di meşê de pankartên “Solîdarîtat mît Rojava”, “Selbstvervaltung Aufbauen”, “Stoppt den Terror der Turkeî auf Zîvîlîsten in Kurdîstan”, “Defend Rojava”, “Stoppt der Turkîsche Angrîefskrîeg auf Sud Kurdîstan und Rojava” hilgirtin.

Kurdistanî û dostên wan li dijî êrîşên dagirkerî û qirkirinê banga piştevaniya enternasyonal kirin û timî dirûşmeyên “Hoch dîe înternatîonale Solîdarîtat, Solîdarîtat heißt Wîederstand Kampf dîe Faschîsmus jeden Land“, “Bijî Serok Apo”, “Bê Serok jiyan nabe”, “Bijî berxwedana Rojava” berz kirin.

Çalakiya protestoyî piştî axaftinên endamê Parlementoya Eyaleta Bremenê Muhlîs Kocaaga, nûnerê Ende Gelande û nûnera Meclîsa Jinê ya Seve bi dawî bû.