Çalakî li ber Navenda Civaka Demokratîk a Kurd a li bajarê Lîmasolê dest pê kir. Piştî deqeyeke rêzgirtinê çalakger ber bi Parka Molosê ve meşiyan.

Di meşê de posterên Rêberê Gelê Kurd Abdullah Ocalan û alên PKK, YPG, YPJ û TJK-E'yê hildan.

Di çalakiyê de dirûşmên "Terorîst Erdogan", "Kujer dewleta Tirk", "Bijî berxwedana gerîla", "Bijî Serok Apo" hatin qîrîn. Li Parka Molosê siyasetmedarê Kurd Lezgîn Serhat axivî û diyar kir ku dewleta Tirk bi bahaneya PKK'ê êrişî destketiyên Kurdan hemûyan dike.

Lezgîn Serhat got, "Gerîlayên azadiya Kurdistanê bi berxwedaneke dîrokî derbê li dagirkeran dixin. Gelê Kurd û dostên wan neçar in ku hêjayî vê berxwedana dîrokî bin."

Çalakî bi qîrîna dirûşman bi dawî bû.