Biryara qedexekirina gera 170 kesan û sekinandina mal û milkên wan, ku Lûkaşenko jî di nav de ye, ji bo 4 mehan hat betalkirin.

Di daxuyaniya Konseya Serokên Hikûmetan a Yekîtiya Ewropayê de hat ragihandin ku beşeke girîng a pêkanînên li hemberî Rûsya Spî ji bo 4 mehan hatine sekinandin. Konseyê diyar kir ku bi sekinandina pêkanînan re ew dixwazim Rûsya Spî û Yekîtiya Ewropa (YE) hîn bêhtir xwe nêzî hev bikin.

Li gorî vê biryara Yekîtiya Ewropayê qedexekirina gera 170 kesan û sekinandina mal û milkên wan, ku Serokkomarê Rûsya Spî Aleksander Lûkaşenko jî di nav de ye, ji bo 4 mehan hat betalkirin. Lê belê biryara pêkanînê ya li hemberî 4 kesên ji îstîxbarata Rûsya Spî re dixebitin û di qetilkirina mûxalîfên siyasî de berpirsyar tên kirin, li derveyî vê biryarê tê girtin.

Di ambargoya çekan a li hemberî Rûsya Spî de, ti gav bi paş ve nehat avêtin.

Li Rûsya Spî ku di sala 1990'î de serxwebûna xwe îlan kir, Aleksander Lûkaşenko ji sala 1994'an û vir ve li ser desthilatdariyê ye. YE ku rêveberiya otorîter a Lûkaşenko rexne dike, li dijî têkiliya lîderê Rûsya Spî ya bi Rûsyayê re, derdikeve.

Lûkaşenko, piştî ku li rojhilatê Ûkraynayê di navbera komên Rûs ên alîgirê serxwebûn û Ûkraynayê de şer destpê kir, bi rola navbeynkariyê rabû û ji Civînên Mînskê re malovanî kiribû.