Tedawiya 12 sivîlên duh êvarê li Kobanê di encama topbarana çeteyên DAIŞ'ê de birîndar bû, li nexweşxaneyên Riha û Pirsûsê dewam dike.

Çeteyên DAIŞ'ê yên li pêşberî berxwedana şervanên YPG'ê cih li wan teng bûye, êrîşî sivîlan dikin. Duh êvarê topek çeteyan a ji gundê Alîşarê hat avêtin li maleke li rojhilatê Kobanê ket û di encamê de 4 jê bi giranî 12 sivîl birîndar bûn.

Ji birîndaran Sitki Esmakalî, Osman Sîncan, Ahmet Bûjî, Fethî Mahmûd û Abdulkadîr Elî li Nexweşxaneya Dewletê a li Pirsûsê, Xelîl Omer, Xelîl Ehmed, Mûhamed Bozan û Şakir Xanî li Fakulteya Tipê ya Zanîngeha Herranê, Sebrî Cacî, Fadil û Mehmûd Şêx jî li Nexweşxaneya Lêkolîn û Perwerdeyê tên dermankirin.

Li aliyê din tedawiya Bozan Berkel ê pêr bi şev di encama êrîşên leşkerên Tirk ên bi qûndaxên çekê birîndar bû, li Fakulteya Tipê ya Zanîngeha Herranê dewam dike. 

Birîndaran banga beşdariya berxwedana Kobanê li gel kirin.