Li bajarê Sine yê Rojhilatê Kurdistanê ciwanên Kurd li dijî darvekirinên rejima Îranê xwepêşandanekî protestoyî pêkanîn.

Li gorî agahiyên hatine girtin, duh di demjimêr 17:00’an de beşek ji çalakvanên medenî û hêjmarek ji xelkê Sine li dijî bi darvekirinê ciwanên Kurd û girtiyên siyasiyên Kurd Hebîbulla Gulperî pûr,  Riza Mamedî û Şêrko Mearfî û yên Ereb, Belûçî  ji aliyê rejîma Îranê ve xwepêşandanek li darxistin û hovîtiya rejîma Îranê şermezar kirin.

Di dema meşê de pankarta li ser “ Ji bo darvekirinê na, ji bo jiyanê erê û divê girtiyên siyasî bên azad kirin” nivîsîn hilgirtin. Xwepêşandanê li bazara fêkî firoşan destpêkir.

Ji beriya vê jî li gelek bajarên Rojhilatê Kurdistanê yên weke Merîwan û Seqiz jî  li dijî bi darvekirinên ciwanên Kurd û girtiyên siyasî yên Kurd, li dijî rejima Îranê xwepêşandan li darxistî bûn. Her wiha li Başûr, Bakûr, Rojava û Kurdên ji derveyî welat jî darvekirinên Îranê şermezar kiribûn.