Partiya Yekîtiya Demokratîk (PYD) destnîşan kir ku piştî destpêkirina şoreşa Rojavayê Kurdistanê zêdetirî 47 komên çete êrîşî destkeftiyên herêmê kirine, lewre pêkhateyên herêmê li dijî van yekan hatin cem hev. PYD’ê bal kişand ku di encama van hewldanan de 35 rêxistin û partiyên nûnerên pêkhateyên herêmê û gelek kesayetên serbixwe Meclisa Giştî ya Hevbeş a Damezirandina Rêveberiya Demî ava kiriye.

PYD’ê têkildarî mijarê daxuyaniyek nivîskî weşand. Di daxuyaniyê de ev tişt hatin gotin: “Bi destpêkirina pêvajoya şoreşê re gelên li Rojavayê Kurdistanê êdî rejîma Baasê qebûl nekir û li dijî derketin. Lewre hêzên rejîmê neçar man ji herêmê derkevin. Piştî derxistina hêzên rejîmê, pêkhateyên Rojava xwe birêxistin kirin û hemû saziyên xwe ava kirin. Lê li aliyê din jî komên çete yên li ser navê îslamê tevdigerin, derketina hêzên rejîmê ji xwere kirin fersend û êrîşî herêmê kirin. Ev êrîşên çeteyan hîn jî didomin. Bi van êrîşên xwe yên ku ji Serêkaniyê destpêkirin û heta Dêrikê dom kirin de, çeteyan welatî bi zorê koçber kirin, malên wan talan kirin, cihên wan ên baweriyê yên wekî mizgeft û dêran hilweşandin, depoyên genim vala kirin. Her wiha li Til Eran û Til Hasil komkujî pêk anîn.” 

Di daxuyaniyê de hate gotin ku gelek komên çete di van êrîşan de girtine û navên wan wiha hatin rêzkirin:

1-Dewleta Îslamî ya Iraq û Şamê (DAIŞ)

2- Cephet El Nusra

3- Tugaya Ehfad El-Resûl

4- Tugraya El Nesir

5- Tabûra Fethellah

6- Tugaya Laîlaheîllallah

7- Şêx El-Îslam Bin Teymîye

8- Tabûra Elî Bin Ebû Talib

9- Tabûra Diree El-Cezîre

10-Tabûra Mergede

11- Buroya Ewlekariya Şoreşê ya Parêzgeha Reqa

12- Guraba El Şam

13- Tabûra El Adiyet

14- Tabûra Leşkerên Dewleta Mehemediyê

15- Tabûrên El Ebrar

16- Tabûra Şedade

17- Tabûra Ehrar El Xwêran

18- Tabûra Cund El Heremên

19- Tabûra Diree Şemal

20- Tabûra Cundullah

21- Mêrxasên Cerabbul û Minbicê

22- Tabûra Ehrar El Tewaîf

23- Tabûra Sirrîn

24- Tabûra Ehil El Sunne

25- Tabûra Mariee

26- Tabûra Eyşe

27- Tabûra Ehrar El Şam

28- Tabûra Ehrar Ebû Rasên

29- Tabûra Ehrar El Herb

30- Tugaya Şoreşgerên Reqa

31- Tabûra Usame Bin Zeyd

32- Tabûra El Muwahedîn

33- Tabûra El Qarie

34- Tabûra El Taîfe El Mensûra

35- Tabûra Allahûekber

36- Tugaya El Zilzal

37- Tabûrên Serayên El Medîne El Munawere

38- Tabûra Fedaiyên Şoreşê

39- Tabûra Şehîdên El Zahiriyê

40- Tabûra Şehîd Hesen El Xelef

41- Yekîneya Tugaya İbn El Qeyn

42- Tugaya Netewî

43- Tabûra Şehîd Ebdulatîf (Ebul Xetab)

44- Meclîsa Leşkerî ya Şoreşgerî ya Parêzgeha Reqa

45- Tabûra Ehrar El Şedadî

46- Tabûra Enwer El Heq

47- Tabûra Ehrar Çiyayê Ebdulezîz

Di daxuyaniyê de hate destnîşankirin ku li hemberî êrîşan van çeteyan hemû pêkhateyên herêma Rojavayê Kurdistanê li hev civiyane û ji bo parastina herêmê danustendin kirine. Di daxuyaniyê de hate bibîrxistin ku di encama van hevdîtinan de di 12’ê Mijdara 2013’an de 86 keseyatên nûnerên pêkhateyên herêmê wekî kurd, ereb, çeçen, suryanî, asûrî li hev civiyane. Di daxuyaniyê de hate gotin ku di nava 86 kesan de nûnerên 35 rêxistin, partiyên siyasî, saziyên civakî, kesayetên serbixwe jî hebûn. Di daxuyaniyê de hate gotin ku di vê civînê de Meclîsa Giştî ya Hevbeş a Damezirandina Rêveberiya Demî hatiye avakirin.

Di daxuyaniyê de navên rêxistin, partî û saziyên tevlî civînê bûne jî wiha hatin rêzkirin:

1- Partiya Yekîtiya Suryanî

2 – Yekîtiya Ciwanên Suryanî

3- Komeleya Çanda Suryanî

4- Yekîtiya Akademiyên Suryanî

5- Yekîtiya Jinên Suryanî

6- Heyet El Tensîq

7- Koma Netewî ya Suriyê

8 – Desteya Netewî ya Ereb

9- Partiya Karê Komunîst

10 – Partiya Çep a Kurd

11 – Partiya Demokratî Kurdistan

12 – Partiya Çep a Demokratîk a Kurd

13 – Kombûna Niştimaniyên Demokratîk ên Kurd li Suriyê

14 – Partiya Aştiya Demokratîk a Kurdî

15 – Partiya Lîberalî Kurdistan

16 – Partiya Demokratî Kurd a Suriyê

17 – Yekîtiya Star

18 – Înîsiyatîfa Jinên Suriyê

19 – Hiqûqnasên Rojavayê Kurdistanê

20 – Desteya Aştiya Navxweyî

21 – Partiya Yekîtiya Demokratîk (PYD)

22 – Rêxistina Şoreşgerî ya Jinan

23 – Rêveberiya Têkiliyên Dîplomasî ya Rojavayê Kurdistanê

24 – Meclîsa Gel a Rojavayê Kurdistanê

25 – Partiya Demokratiya Kurdistan li Suriyê

26 – Rêxistina Civaka Dewlet û Hemwelatiyan

27 – Rêxsitina li Dijî Îşkenceya li Ser Jinê ya Sara

28 – Kombûna Ciwanên Suriya Pêşverû

29 – Partiya Komunîstî Kurdistan

30 – Tevgera Civaka Demokratîk (TEV-DEM)

31 – Desteya Bilind a Kurd (DBK)

32 – Navenda Lêkolînên Stratejîk a Kurdî

33 – Konfederasyona Xwendekarên Kurd ên Welatparêz

34 – Tevgera Ciwanên Şoreşger

35 – Tevgera Jinên Ciwan ên Şoreşger

Di daxuyaniyê de hate destnîşankirin ku piştî avakirina meclîsê di 15’ê mijdarê de jî Desteya Şopandina Projeya Rêveberiya Demî ku ji 60 kesan pêk tê civîna xwe ya yekemin lidar xistiye û komîteyên ji bo amadekarina hevpeymana civakî, qanûna hilbijartinê û çêkirina rêziknameya projeya demî ava kirine.

Di dawiya daxuyaniyê de hate gotin ku tu niya perçekirina Suriyê ya vê projeyê nîne û armanc avakirina jiyana hevbeş û wekheviyê ya li Suriyê ye.