Li Pakistanê di mizgefta Şîayan de teqîn çêbû: Herî kêm 11 kes mirin
Li mizgefteke Şîayan a li paytexa Pakistan, Îslamabadê teqînek çêbû û di encamê de herî kêm 11 kesan jiyana xwe ji dest dan û bi dehan kes birîndar bûn.
Polîsên Pakistanê daxuyanî dan AFP’ê û ragihandin ku teqîn di dema nimêja înê de rû da.
Rayedarekî polîsan ê payebilind ku nexwest navê xwe eşkere bike, got, “Li mizgefteke Şîayan di dema nimêjê de teqîn çêbû. Heta niha me tespît kir ku 11 kes mirin û 20 kes birîndar in.”
Rayedarên herêmî jî ragihandin ku dibe hejmara birîndaran ji 80’ê derbas bike. Hîna sedemê teqînê nehatiye zanîn, têkildarî bûyerê lêpirsîn hate destpêkirin.
