Li gorî ajansa nûçeyan a neteweyî ya Lubnanê, komên Îslamî û şervanên rêxistina El Fetih a di bin lîdertiya Serokê Rêveberiya Fîlîstînê Mahmûd Abbas de li kampê şer kirine.

Ji ber şer şeva Pêncşemê bi dehan malbat bi zarokên xwe re reviyan bakur û hinekan jî xwe spart mizgeftek li nêzî wan deran.

Li gorî medyaya herêmî di şer de çekên otomatîk û roketavêj hatine bikaranîn. Hat ragihandin ku sihara Îniyê jî 20 kes birîndar bûne.

Di dawiya meha Tîrmehê de jî şerekî heman çêbûbû û 13 kes miribûn. Şerê ku 29’ê Tîrmehê destpê kirî, qasî 15 rojan dewam kiribû. Bûyer piştî mirina endamekî komek biçûk a Îslamî, qewimî. Piştre jî rayedarek leşkerî jî di nav de 5 endamên El Fetihê ketin pisûyê û hatin kuştin.

El Fetihê ji bo kesên pisû danîne heta roja pêncşemê wext diyar kiribû ku teslîmî komîteyeke Fîlîstiyan were kirin. Lê ev daxwaz nehat bicihanîn.