Li Cezaayê di encama çalakiyên bi bandor ên YPG'ê de, çeka katûşa ya bi 40 lûleyan jî di nav de gelek çekên çeteyan hatin rûxandin û 10 çete hatin kuştin.

Navenda Çapemeniyê ya YPG'ê da xuyakirin ku hêzên YPG/YPJ'ê li rojava û bakurrojavayê Cezaayê hin çalakî pêk anîne û di vê der barê ev agahî da:

LI GUNDÊ BEG'Ê ÇEKEK KATÛŞA A BI 40 LÛLEYAN HAT RÛXANDIN, 4 ÇETE HATIN KUŞTIN

"Li gundê Beg ê li rojavayê Cezaayê baregehek çeteyan hatiye hedef girtin.  Di çalakiya ku şevê din saet 20:30'an de pêk hatiye de, çeka katuşa ya bi 40 lûleyan û gelek alavên leşkerî hatine rûxandin.  Her wiha hêzên me doçkayek 14.5 jî rûxandin. Bi qasî ku hatiye tesbîtkirin 4 çete hatiye kuştin, û gelek ji wan jî birîndar bûne.

LI GUNDÊN ARCE Û EBÛ XADÎR 6 ÇETE HATIN KUŞTIN

Hêzên me li bakûrrojavayê Cezaa li gundên Arce û Ebû Xadîr jî du çalakî pêk anîn. Di çalakiya di navbera gundên Arce û Sutukê jî saet 20:00 çalakiyek pêk hatiye û motorsîkletek çeteyan hatiye rûxandin. Hêza ku ji bo alîkariya çeteyan hatiye jî bûye hedefa şervanên me. Di çalakiye de herî kêm 5 çete hatine kuştin, 2 çete jî birîndar bûne.  

Hêzên me li nêzikî gundê Ebu Xadîr jî  li hemberî noqteyeka çeteyan çalakî pêk anîn û çeteyek hat kuştin."