Li navçeya Şirnex Cizîrê, komîser Hakki Başkaya yê di pevçûna navbera ciwan û polîsan a roja Yekşemê de birîndar bû, rakirin Amedê.

Li gorî agahiyên hatin bidestxistin, ji ber taxa Nûr û Dortyol a Cizîrê ji aliyê polîsa ve hat dorpêçkirin û tîmên taybet veguhestin herêmê, ciwanan çalakiya şermezarkirinê lidar xistin. Ciwanan bi armanca şermezarkirina dorpêça polîsan, li kolana Hezexê bend danîn. ,

Li ser destwerdana polîsan a bi bombeyên gazê û ava şid, ciwanan jî bi kevir, fîşekên hewayî û bombeyên deng, bersiv dan polîsan. Di vê pevçûnê de komîserê polîsan Hakki Başkaya ji ber bombeya deng birîndar bû û ew rakirin Nexweşxaneya Dewletê ya li Cizîrê. Piştî destwerdana destpêkê ya tibbî, Başkaya rakirin Amedê.