Erzîromiyên li Elmanyayê dijîn, bi mijara hilbijartinên herêmî yên Adara 2014'an, li Komeleya Çanda Kurd a li Essenê hatin cem hev. Di civînê de desteka ji bo namzetên şaredariyê yên Erzîrom û navçeyên wê hat nirxandin.

Erzîromiyên li Elmanyayê dijîn li hev kom bûn û guftugo kirin ka bi çi rengî karin alîkarî û destekê bidin hilbijartinên herêmî yên sala 2014'an.

Di civînê de pirsgirêkên bajarê Erzîromê û navçeyên Kurd lê dijîn hatin nirxandin. 

Li dû nîqaşan komîsyonek ji 23 kesan hat avakirin û plansaziyek hat derxistin. Di nava xebatên heta hilbijartinê de komîsyona hilbijartin û propagandayê, lidarxistina şev û civînan jî cih digirin. Ji bo lêçûnên propaganda hilbijartinê werin tedarikkirin û alîkariya madî bi namzetan bê kirin biryar hat dayîn ku di 23'ê Sibatê de li bajarê Elmanya Dortmûndê şev û şahiyek bê lidarxistin. Li bajarên Fransa Parîs û Marsîlyayê jî dê civîn werin organîzekirin. Her wiha li Marsîlyayê şevek bê lidarxistin.