Du ciwanên Suryanî yên ku leşkeriya bi darê zorê ya Sûriyeyê dikirin hatin kuştin. Cenazeyê her du ciwanan li goristana Suryaniyan a Qamişlo bi merasimekê hate definkirin.

Ciwanên bi navê Tonî Qesto û Îbrahîm Sefer Suryaniyên Qamişlo ne û li Bajarê Hema ya Sûriyeyê leşkeriya bi darê zorê dikirin.

Cenazeyên Tonî Qesto û Îbrahîm Sefer duh gihiştin Qamişloyê. Bi sedan welatî li rêya ketina bajêr pêşwaziya cenazeyan kirin. Merasima olî li Dêra Meryem El-Eedra ya Qamişlo hate lidarxistin û piştî merasimê cenazeyên Tonî Qesto û Îbrahîm Sefer li goristana Suryaniyan a li Taxa Qudûrbek hate definkirin.