Di navbera Azerbaycan û Ermenistanê de pevguhertina dîlgirtiyan
Hat ragihandin ku di çarçoveya lihevkirineke berê de, Azerbaycanê 32 leşkerên Ermenî, Ermenistanê jî 2 leşkerên Azerî berdane.
Komîsyona Dîlgirtiyên Şer a Azerbaycanê daxuyanî da û got: “Azerbaycanê 32 leşkerên Ermenî, Ermenistanê jî 2 leşkerên Azerî berdane.”
Komîsyonê ragihand ku li herêmeke li ser sînor a di navbera her du welatan de, dîlgirtî bi hev hatine guhertin.
Hefteya borî Ermenistan û Azerbaycanê ji bo başkirina têkîliyên xwe, soz dabûn ku gavên şênber bavêjin.
