Di êrîşeke çekdarî ya li Tel Avîvê de 4 kes mirin
Li paytexta Îsraîl Tel Avîvê, di êrîşeke çekdarî ya li kafeyekê de 4 kes mirin, gelek kes birîndar bûn.
Hat ragihandin, du kes danê êvarê hatin Sarona-Park û gule li derdora xwe reşandin. Polîsên Îsraîlê diyar kirin, di encama êrîşê de 4 kesî jiyana xwe ji dest dan, 6 kes jî birîndar bûn.
Li gorî agahiyan, her du êrîşkar hatine girtin û yek jê, di şerê li hemberî polîsan de birîndar bûye.
Polîsên Îsraîlê îdîa kirin, her du kesên hatine girtin Fîlîstîniyên ji Şerîa Rojava ne û xizmên hev in.
