Zêdetirî hezar koçberên ji Dêra Zorê ku di nav de birîndar jî hebûn, ji ber kiryarên çeteyên DAIŞ‘ê û bomebarana balafirên Rûsiyê û rêjîma Sûriyê koçber bûn, xwe spartin herêmên di bin parastina hêzên Sûriya Demokratîk (QSD)de.

Şervanên QSD’ê pêşwaziya koçberan kir, her wiha Meclîsa Sivîl a Dêra Zorê û Heyva Sor a Kurd ji bo xizmetê bike, ket tevgerê.

Koçberan daxwaz ji hêzên Sûriyeye Demokratîk kir di zûtirîn demê de ber bi bajarê Dêra Zorê ve biçe û sivîlan rizgar bike. Koçberan destnîşan kirin ku balafirên Rûsya û rêjîmê bê serûber bombebaran dikin. Koçberan her wiha bal kişandin ku çeteyên DAIŞ‘ê rê nadin sivîlan ji bajêr derkevin û gotin ku çete ji bo parastina xwe bikin, sivîlan wekî mertalên zindî bi kar tînin.