Bi sedan welatiyên bajaroka El-Bisêra bi armanca merasîma cenazeyên şervanên QSD‘ê Feysel Ebdulerec (Şans), Xalid El-Elî (Xalid El-Zên) ên di Pêngava Bagera Cizîrê de şehîd bûne, li pêşiya deriyê ketina bajêr kom bûn. Piştî cenaze wergirtin bi kerwanekî wesayîtan ber bi Goristana Şehîdan a Hanî Hesen El-Ebûd ve ketin rê.

Merasîm bi deqeyek rêzgirtina leşkerî ya ji aliyê şervanên Hêzên Erka Xweparastinê ve destpê kir.

Bi navê saziyên civaka sivîl û malbatên şehîdan axaftin hatin kirin. Di axaftinan de sersaxî ji malbatên şehîdan re hate xwestin û berxwedana şervanên QSD‘ê hate silavkirin.

Nasnemayên herdu şehîdan hate xwendin û radestî malbatên wan hate kirin.

Girseya gel cenazeyên her 2 şehîdan bi dirûşman ve veşartin.