Bi armanca şermezarkirina girtina parlamenterên HDP'ê, li avahiya HDP'ê ya Kocaliyê civîneke çapemeniyê hate lidarxistin. Rêveberên HDP'ê yên bajar û navçeyan, Parlamenterê berê yê HDP'ê Alî Haydar Koca û nûnerên gelek partiyên siyasî li civînê amade bûn. Rêveberê HDP'ê yê bajêr Mûrat Ulgen li vir axivî û girtina hevserokên xwe weke "darbeya li dadgeriyê" bi nav kir.

Ulgen diyar kir, bi zext û zordariyê hewl didin HDP'ê têk bibin û got, "Yên ku îro bi girtin, binçavkirin û zextê serdestiya xwe ferz dikin, wê sibe têk biçin."

Parlamenterê berê yê HDP'ê Alî Haydar Konca jî da xuyakirin, ku li Tirkiyeyê rejîm tê guhertin û ber bi dîktatoriyeke faşîst a ji yek şexsî ve diçe. Konca li dijî vê yekê banga têkoşîna hevpar kir.

Nûnerên partiyên siyasî yên tevlî civînê bûn li vir axivîn û gotin, ew ê hê bi xurtî piştgiriya hev bikin.